15/7/17

15/7/17   SAT   HOT

今日短周但都係好忙碌咁! 朝早老公嚟車我地去學校買咗子元D書先, 跟住去食早餐, 然後去荷李活廣場睇蜘蛛俠, 難得一間有10點幾場, 真係兩個幾鐘都冇冷場, 好好好睇呀! 睇完戲就返青衣接番仲爺, 等嫲嫲休息吓先, 接咗仲爺去食午飯, 老公話嘉頓有得食, 但去到發現只係得cake, 於是行去深水埗食傷心酸辣粉, 真係食到好傷心! 食完正餐梗係要食甜品啦, 於是去番嘉頓食cake! 食完先至去又一城, 買玩具睇反斗車王展覽, 不過4點幾又要趕住走, 子元要去操水嘛! 放咗子元去泳池我地又要入沙田攞廚房sink盤, 仲爺喺車瞓足全程, 可以好好休息, 攞完返荔欣時仲爺醒了, 咪同埋佢一齊上樓睇吓間屋整成點囉, 佢係咁話好dirty, 好搞笑! 夠鐘就去接笨元放游水, 再去接嫲嫲去長沙灣晚飯, 子元竟然冇胃口, 因為游水飲咗太多池水喎! 咁佢個飯咪包起晏D再食囉, 9點幾返到去沖完涼佢又掛住砌爆旋陀螺, 我已經勁攰架啦, 仲唔合作, 係咪抵鬧!