11/7/17

11/7/17   TUE   HOT

今日子元要返學啦, 所以我又要7點起身, 叫醒隻豬梳洗出門口! 揍咗佢我就返去hea, 又有阿媽煮早餐, hea到8點半先出門口都勁早返到去, 蝕咗添! 開工都係做自己嘢啦, 話咁快又放飯, 都係睇吓電視咁, 差不多2點老細返, 衰D咁講我地即閃啦, 真係見多佢地一陣都唔想! 不過下午我都真係做公事架, 處理吓annual dinner的名單, 原來上次計錯咗數, 而家請GE人已經full架啦, 計番9成出度都25席, 夠啦! 放工老公嚟接我, 因為佢今日請咗假揍仔, 阿媽要同阿嫲去覆診嘛! 揍咗子元仲仲去睇完戲就番佢地喺青衣, 出嚟接咗我就去旺角提埋貨放番屋企, 本來仲想去睇吓餐枱, 但因為嫲嫲打嚟, 都係馬上返去啦, 兩隻仔痴埋一齊就失控, 加上根本唔聽嫲嫲話, 你話幾乞人憎! 今晚仲爺食飯又好合作喎, 真係同琴晚係兩個人! 食完都要早閃, 因為老公去踢波, 所以要早D車我地返出去, 仲爺又問係咪得佢留喺到, 我話係之後佢就開門比我地走, 好搞笑! 老公車埋休一齊出去踢波, 我地就返阿媽到, 都係睇電視沖涼打機啦, 12點瞓覺!