8/7/17

8/7/17   SAT   HOT

今日長周呀, 起身揍咗子元去畫室我就返工, 不過今日完全唔想做正經嘢, 只係打吓機咁, 放工前老公放咗兩隻嘢上嚟, 即刻比佢打亂哂, 兩個真係好失控好唔聽話! 夠鐘就去食午飯, 本來諗住今日去OLR的fun fair架, 但食完嘢老公又想去訂埋磚, 咁搞得嚟都2點多, 我地又要去IKEA買嘢, 所以最終都係選擇咗唔去啦, 直接入沙田買嘢, 真係有好多嘢要買, 主要訂咗廚房的洗水盤同水龍喉, 另外就係買燈具, 咁就買咗2千蚊, 真係好誇張! 買完就再行咗陣就閃了, 都睇唔啱D枱! 返去青衣接埋嫲嫲就去咗荃灣, 比佢地愉景新城玩咗陣, 因為周圍都太多人食嘢, 所以再去咗第二到先食嘢, 但仲爺喺車已經瞓咗, 所以佢冇食只係放佢喺位照瞓! 食完老公送我地返去, 笨元快手沖好涼睇佢個變型金剛, 今次到我眼瞓啦, 佢照睇我瞓先!