17/7/17

17/7/17   MON   RAIN黃/紅雨

今日開始要揍子元去浸會上聖經班, 8點未夠起身, 叫醒佢食埋早餐出門口, 過到去差不多9點, 我又再行返公司都幾攰吓! 返到去都係要開吓會咁啦, 跟住都係做吓自己嘢囉, 淨係要寫番3日日記都寫到午飯, 去咗買日式便當豐富吓! 下午都係做吓自己嘢囉, 放工返去接笨元過小童玩nerf, 但原來上星期一已經喺第一堂, 頂…完全唔記得咗! 所以襯有張表喺到, 我就將子元所有活動入哂落手機, set哂提示先得! 老公嚟到接我就去睇吓間屋整到點, 廁所已經鋪好哂, 所以要影吓相記錄吓! 睇完冇咩做都係等子元放活動, 又要等佢做番上星期六欠做的camp briefing, 所以都8點幾先返到入青衣食飯, 仲爺又係要鬧住咁食啦, 但都食唔哂! 時間關係9點幾就要返去啦, 勁大雨囉, D路浸哂咁! 返到去都係沖涼睇電視執吓嘢咁啦, 12點幾瞓覺啦!