6/7/17

6/7/17   THU   HOT

今日又要返工啦, 真係有D亂都唔知今日星期幾咁! 朝早8點先起身, 因為子元放假嘛, 食埋早餐先出門口, 雖然只係食麥皮, 咁咪落樓食多串燒賣先返工囉! 今日都係勁冇嘢做, 朝早都係寫吓嘢過吓相打吓機咁, 午飯睇番J2套劇, 因為琴晚太攰瞓咗冇睇! 下午老細們返哂嚟架, 係比嘢佢簽吓咁啦, D高層會議都唔關我事GE, 放工返去阿媽到, 等老公嚟接我地入青衣晚飯, 期間冇咩做咪同子元玩吓board game囉! 老公嚟到就過去荔欣諗住睇吓拆嘢拆成點, 但因為已經撘咗大門同鐵閘, 用木板封住加個密碼鎖, 所以要問師傅攞密碼先有得入去睇, 但偷窺入去睇吓都未郁大嘢, 所以都係未冇咩睇住GE! 咁咪返青衣食飯囉, 食完睇埋射鵰先走, 仲爺見我地全部都走又唔捨得咁, 一副好淒涼咁GE樣! 返到去阿媽到咪沖涼休息囉, 等D衫洗完仲要晾埋衫先瞓, 幾耐未晾過衫呀!