3/7/17

3/7/17   MON   HOT

今日第一次各自喺阿媽屋企返工返學啦, 7點鐘起身捉笨元梳洗, 落到樓啱啱見校車到, 呢個位上車一定要早到呀, 因為唔可以好似我地嗰邊咁停喺到等你! 我返番上樓就冇咩好做啦, 執好床梳埋頭hea吓都未夠鐘, 出去食個早餐行返去都未夠9點, 不過係呢幾日要返學先咁早啫! 今朝都係開一次會啫, 我就係咁寫番D日記囉, 今朝起身好似舉完鐵咁, 周身痛! 午飯只係食咗個米粉同半份蛋治, 夠哂餓! 下午老細返咗嚟開咗陣會, 又係傾annual dinner, 真係咁多嘢傾咩! 之後都係做吓嘢等收工啦, 放工老公出咗嚟接我, 先去荔欣救番我隻woodstock, 再睇吓有咩未執, 跟住就返去接笨元返青衣食飯, 仲爺未起身, 咁就去叫佢啦, 咪一副好可愛咁GE嘢囉, 但到食飯時就唔可愛啦, 又走落地又掛住玩車, 最終要餵要鬧又要喊, 食餐飯真係咁辛苦咩! 最後叫做食完放佢出去踩車, 到咁上吓老公落去攞車啦因為佢要踢波, 但仲爺發現我地走, 連POPO緊都唔肯再PO要抺patpat一齊走, 咁梗係唔得啦, 唯有趕佢入廁所除衫, 叫佢乖乖沖涼, 我同笨元就靜悄悄閃! 老公一齊上樓, 一來要攞仲爺的泳鏡泳帽比佢帶返學校, 二來佢話要攞番D cert喎, 佢成日話放咗喺執完嘢GE五筒櫃, 但我一直見到的都不是佢放cert個file, 總之就係佢話有我話冇啦, 但佢都係覺得係我整唔見, 最後粒聲唔出就走咗出去, 又唔攞仲爺D嘢, 我火火地咪掉出走廊囉, 跟住佢又嬲啦喎, 話我好掟嘢, 所以今晚有少少不歡而散! 講真你要文件明天用你之前又唔keep清楚, 個櫃係你執GE我點知你點執呀, 叫佢明天返公司搵番個箱搵到出嚟, 麻煩佢好好同我認錯呀! 搞到我成晚都唔好心情, 可惡!