10/7/17

10/7/17   MON   HOT

今日笨元唔洗返學, 所以可以瞓到8點先起身, 返工前捉佢起身要執床啦! 今日返到去好似好忙咁, 又要開會又講annual dinner D嘢, 開完都12點啦, 返去做吓嘢又話放飯啦, 今日想試麥記個新包, 所以等得耐都要買嚟試吓! 下午又要傾annual dinner d嘢啦, 算係說服咗老細用我地D idea啦, 咁可以照行動啦! 返番位做自己嘢, 臨放工老細又過嚟吹水, 好在放工前佢都閃咗, 咁我就返阿媽到等老公嚟接我地啦, 返到嫲嫲到仲爺未醒, 咁老公又同笨元砌緊張櫈比仲仲, 所以7點幾先開飯, 食完睇埋射鵰先走, 兩兄弟又吵吵鬧鬧咁啦, 真係好嘈! 到我地走時仲爺又問: 吓…你地走呀, 咁我點呀? 我咪佢: 你張床都未整好, 所以你要喺嫲嫲到瞓囉! 咁佢就哦….然後走咗去睇電視, 得番佢同嫲嫲佢又會自己照顧自己架喎! 咁老公車咗我地返去就約咗同事出去啦, 我同笨元都係沖涼睇電視做吓situp咁啦! 佢12點前已瞓咗, 我12點幾我都瞓!