12/7/18

12/7/18.    THU.    HOT

今日老公放假，但要叫哂佢地起身出門口都幾辛苦，尤其仲仲要瞓起上嚟係會唔肯起身的，捉到佢地身梳洗快手出門口，都算趕得切返工，買埋早餐返去食，跟住就開工啦，今朝都有嘢做架，重點喺唔應該我做的我係唔會做！午飯後就出去咩鬼溝通會，有得痴車坐梗係扮哂嘢死跟啦，只係用要同上司吹水換嚟慳番腳骨力同埋車錢，都幾抵！過到去都係hea住咁等夠鐘啦，有嘢食又唔敢食咁多啦，捱到5點收得工，直接可以返屋企， 換好衫去愉景新城同老公佢地會合食晚飯，佢地已經玩咗一輪啦，食完拉麵就返屋企，因為笨元玩完遊樂場就係咁咳， 唉！又係咁！本來要練波架，點知突然落雨，所以只係找志遠喺樓下打吓乒乓波咋！9點多返上來沖涼休息！