19/7/18

19/7/18.    THU.    WARM+

今朝出門口三隻嘢都未起身，所以都準時8點多都出到門口，唔算太趕！返去食埋早餐就開工啦，今日唔係太多趕忙嘢做，不過就要group吓啲資料，遲早都要做好嚟服侍班人，咁見得閒就做吓先啦！午飯後都係打吓機啦，跟住又開工啦，不過都有邊打機邊做嘢，其實定時定候做好嘢就得，冇人話你唔做嘢或者唔知自己要做咩咁，我覺得好充實好自在！放工閃人返去食飯，洗碗打掃再趕佢地去沖涼瞓覺，跟住就同子元執吓啲書，明天放工應該會去書展入貨，適量買啦，大約23本左右啫，比起上年36本真係少咗好多！