20/7/18

20/7/18.   FRI.    WARM

今日又到星期五， 不過今個星期晚上掛住睇電視都瞓得唔夠，所以今日個頭都痛， 飲咗咖啡都唔夠頂！今朝自己搞掂就出門口，買埋早餐仲買埋書展飛，放工入去目標為本！今日都忙忙碌碌呀，朝早要對好哂個schedule有冇漏有冇錯，午飯後仲忙咁，都唔知自己做咗啲咩，只知道要找埋資料陣間書展用，放工即閃過灣仔，買咗個飯團買咗支水，跟住就去灣仔啦，車程上幾辛苦，因為肚餓又唔食得嘢住，終於捱到出閘就邊行邊食，一路上都有點不守規則走快線，用最短路程入到去會場，通知程太我到咗，但都各自行事中，今年需要買的書少咗好多架啦，一來部份經程太嗰邊團購咗，一方面選咗啲精要先買，所以都唔算太誇張，買到一半時程太叫我會合去買常識作業，咁就開始之後幾間都集體買啦，多啲折扣嘛，最後幫子元買咗兩本植物大戰彊屍啦，仲爺就買咗故事書，咁就離場，我自己都冇行過嘢，出年我真係想自己睇吓嘢呀！老公佢地全部入咗元朗，叫我入去同佢地會合去食B仔，咁咪抬住十斤書入去囉，今日車程都用咗三個幾鐘，攞命！去到B仔我真係當晚飯，食完回家啦，兩隻豬都瞓哂，我都勁攰了！