8/7/18

8/7/18.    SUN.  HOT RAIN

今日天氣時晴時雨，真係同我心情一樣， 朝早9點幾10點先起身整得早餐食本來老公去攞車就可以去泳池， 但我只係同佢講話個洗手盤塞，又冇叫佢即刻通，點解又唔識睇時間呢，11點多先攞到車返來，泳池收12點咁點去游水呢，本來我堅係火架，但最終比我諗到解決辦法，就係先去咗行吓商場， 食啲嘢老公先車我地去泳池，我地3個自己游佢就返工囉！近近地去咗荷李活廣場咋，都係周圍行吓再去麥當勞食啲嘢就過泳池，玩到4點幾先捨得走，我真係夠哂攰！換好衫返到屋企都5點幾，同子元check吓啲練習嚟緊出年點買，就煮晚餐佢地食，仲爺食食吓又瞓啦，硬係要激人！洗好碗抺好地打暈埋仲爺就可以沖涼休息了！