1/10/18

1/10/18.    MON.    HOT

最後一日假期啦，朝早做好嘢先可以出去玩，9點幾起身煮早餐，叫佢地食完就開始睇吓功課等等，又要溫書呢，唔問都唔記得過兩日要默書，快手叫佢溫埋，點幾出得去啦，先去食午餐先，都係過長沙灣食，老公又話要去買隻船仔去放，所以去咗深水涉買完先入大埔，泊好車就去海濱公園，由於電池叉唔夠，只係玩咗一陣就收皮，咁就去咗海邊，笨元呢啲pre teenage年紀真係好煩，成日黑口黑面咁！又冇話冇得租單車，咁都要等埋daddy嚟先得架，等吓都唔得！終於租到單車可以出發，踩咗去唔係好遠啫，不過老公要踩家庭車辛苦啲囉，子元踩住架兩轆轉個眼已經唔見咗，喺盡頭玩到咁上吓就回程，老公叫我踩我堅係控制唔到！返到去心血來潮入咗去大尾篤行咗個圈，再玩埋BBQ，不過仲爺又係唔聽人講啦， 老公叫住佢唔到掂個炭爐佢就係要掂落去，咁成餐飯就喺到喊住咁，隻手浸住冰都喺到都衰聲衰氣咁真係給好煩，返到去沖涼都係咁，真係聽到人心都煩埋！終於K.O.咗佢我當自己可以休息架啦！