17/10/18

17/10/18.   WED.    RAIN

今日重陽節，都係一日假啦，朝早9點幾起身，梳洗好出去食早餐，今次好彩聽老公話出去食早餐， 因為佢落去攞車時啱啱開始抄牌呢！食完早餐去尖咀攞埋之前換咗個水牙線就返屋企，同仲爺做埋功課，又要同笨元對功課，再要溫埋書真係夠哂攰！因為約咗梓朗佢地出去玩，所以都要努力做好嘢，過去搵佢地再食啲嘢先出發，但因為落雨，本來想去大尾篤但最後都要轉場，找個有室內地方的BBQ場， 最終去咗大覧嗰邊，每家都係4百幾玩咗5個鐘呢！大人邊燒邊吹水，中童就梗係打機啦，細嘅去咗放電，玩到十點幾先返屋企，快手沖涼瞓覺！