12/1/19

12/1/19.   SAT.    WARM

今日好似唔開心多過開心，有時開始覺得，淨係我揍住佢兩個時係辛苦啲，但起碼冇人嘈我，最終兩個都會聽我講，但多條友喺到嘈嘈閉時，其實仲搞壞件事！朝早笨元去學英文，我地去食早餐，然後都係返屋企，但周圍都亂，老公又要子元唔知畫咩，所以就未溫書住，但到我執好嘢叫仲爺做功課，佢又喺到多多事實，令我又發火啦，其實都冇咩架，我火完就得，點解又要話我發火呢！搞到大家都唔高興， 我嬲到出咗去買嘢，總之嗰陣時都唔好受！到老公揍咗仲爺出去學嘢，我又執咗一輪嘢，同子元去食埋晏就回來溫中文，溫吓做吓練習先知咩唔熟！到5點幾老公回來接我地，約咗Joe佢地食飯，飯後佢帶埋個仔去踢波，我就同仲爺返屋企，沖好涼睇咗陣電視玩咗陣就要去瞓，我就自由時間囉！