26/1/19

26/1/19.   SAT.    COOL

今朝老公揍咗子元去足球比賽，到我知醒時已經9點多，同仲爺喺床玩吓咁先起身梳洗煮早餐，然後就做吓文書嘢，睇吓佢地有咩通告回條要填，又執吓嘢咁轉個頭都夠鐘出門口，揍仲仲去音樂，條友仔呢個時間先嚟瞓，抱到我死死吓，仲要喺地鐵冇人讓位，等到有人落車我先有位坐，出閘時又冇人幫真係好心傷，抱住仲爺又要拍兩張八通，點拍呢！揍咗佢去我就食晏行吓街，回程撘巴士時仲爺就唔瞓啦，但又嘈住我瞓喎可惡！同老公交收咗仲爺，等佢揍去足球，我就返屋企休息吓，等子元游完水再食晚飯，老公又約咗Joe佢地食飯，本來想去試番上次間潮洲嘢，不過實在太多人，轉咗去愛群算！之後老公又要去踢波，我地返到屋企沖完涼就打暈仲爺先，然後要摺番3日冇摺嘅衫，足足摺左幾個鐘呢！