2/1/19

2/1/19.    WED.    COLD

今日又係月頭返去忙的日子，佢兩個仲未要返學，老公又返晏，所以一早起身得我一個！一去到廁所就見到一條賴屎褲喺企缸，都估到係仲爺琴晚出事，不過條友識自己搞掂，只係冇處理好哂啫，但識抺patpat換過乾淨褲先再瞓已經叻仔！快手搞掂出門口返工，今日返去食香蕉同脆片，節日過後真係要節制吓！可能今日真係太忙，完全唔覺得餓，轉個眼就已經放飯，食完飯都係吹吓水啦，阿姐下午雖然請咗假，但我都係勁入job cert，其實都冇咩著數，放工就忙囉，返青衣先接咗仲爺，再去九龍仔接子元，咁樣走一轉就差不多2個鐘，喺樂富食埋KFC就返屋企，快手沖完涼本來都冇咩，係子元要交嗰份唔知咩網上功課又激到我火起，其實學校又係煩，點解成日要網上交呢！