22/1/19

22/1/19.   TUE.    COLD

今朝有點趕，突然醒起要開票比子元買書，仲爺又唔合作完全唔郁，係都要人服侍！終於交咗佢比嫲嫲我就返工，今日都比較閒，所以時間都過得慢啲，朝早出埋啲通告等等，午飯後都係打吓機咁，跟住就開始hea，我都唔記得以前咁多年成日冇嘢做時啲時間係點過！放工我要入青衣接仲仲，因為老公話架車都係要攞去整，所以佢帶子元去踢波， 我就揍仲仲， 返屋企煮麵同大波魚蛋比仲仲食，我就食人參雞呢，係呢啲時間食架啦！跟住都係洗碗清潔啦，搞掂哂沖緊涼老公佢地就返，仲爺今日得1份功課咁開心，子元直情冇功課添，所以K.O.咗佢地就摺衫睇劇！