29/2/20 SAT WARM
今日是4年一遇的2月29日呢, 不過都是冇咩特別咁過, 朝早老公先揍子元去補英文, 然後回來接我地去食早餐, 今日轉轉款去咗狼穴食all day breakfast, 第一次食呢, 上次都係試咗咖啡, 今次試埋早餐, 又真係幾正喎, 仲爺食個芝士麵都好開心食哂! 接咗子元就去買糧餉, 菜呀肉呀都買一堆先, 咁又幾日唔洗煩! 返到去老公就瞓覺, 我就睇吓機等等, 2點幾老公揍仲仲去學音樂, 我就捉子元換床單攞被落樓洗等等, 跟住老公回來就話出去買埋個吸塵機, 點知去到豐澤冇貨, 唯有比咗錢先星期三先有得攞呢! 回家後要做吓運動, 跟住又準備煮飯, 晚飯後老公帶咗子元去踢波, 我就做吓清潔咁啦, 反正仲仲都喺到睇機, 9點幾捉佢沖涼瞓覺, 我就可以自由時間了!
2020年2月28日 星期五
2020年2月27日 星期四
2020年2月26日 星期三
2020年2月25日 星期二
2020年2月24日 星期一
2020年2月23日 星期日
2020年2月22日 星期六
22/2/20
22/2/20 SAT WARM
今日係出去食早餐時出過去,子元就補英文, 仲爺就學音樂, 老公就出咗去好幾次啦! 8點幾起身叫子元去補英文啦, 跟住我地就去食早餐, 順手洗車, 但食完又有排都未洗完咁, 所以我同仲仲就行返屋企, 老公就等車洗完接埋子元先返嚟, 我就趕佢地做吓嘢, 教書好練習好, 咩都要做吓啦, 點幾煮午餐比佢地食, 晏啲仲爺就要出去學音樂, 老公就出咗去做gym, 做完回來接仲仲, 襯佢地唔喺屋企, 我同子元打switch打咗幾個鐘呢, 真係勁好玩架, 5點多要收嘢怕仲爺佢地返! 老公揍咗仲爺回來後, 出咗去買波鞋同買pizza, 今日唔想再煮呢! 食飽老公又同子元出咗去踢波, 咁我咪同仲爺自由活動囉! 下星期要回復正常日日返工, 竟然已經覺得唔習慣, 加上放咗咁多日病假, 放到根本唔想開工! 但都要面對現實架啦, 鬼叫你窮咩係要返工架啦!
今日係出去食早餐時出過去,子元就補英文, 仲爺就學音樂, 老公就出咗去好幾次啦! 8點幾起身叫子元去補英文啦, 跟住我地就去食早餐, 順手洗車, 但食完又有排都未洗完咁, 所以我同仲仲就行返屋企, 老公就等車洗完接埋子元先返嚟, 我就趕佢地做吓嘢, 教書好練習好, 咩都要做吓啦, 點幾煮午餐比佢地食, 晏啲仲爺就要出去學音樂, 老公就出咗去做gym, 做完回來接仲仲, 襯佢地唔喺屋企, 我同子元打switch打咗幾個鐘呢, 真係勁好玩架, 5點多要收嘢怕仲爺佢地返! 老公揍咗仲爺回來後, 出咗去買波鞋同買pizza, 今日唔想再煮呢! 食飽老公又同子元出咗去踢波, 咁我咪同仲爺自由活動囉! 下星期要回復正常日日返工, 竟然已經覺得唔習慣, 加上放咗咁多日病假, 放到根本唔想開工! 但都要面對現實架啦, 鬼叫你窮咩係要返工架啦!
2020年2月21日 星期五
21/2/20
21/2/20 FRI WARM
今日都係繼續喺屋企啦,不過老公今日返中, 朝早本來又話佢煮早餐,但起得身嚟都11點, 我又睇完啲廣告想想麥記個扭扭粉, 所以見自己個樣都見得吓人, 不如就出去食啦, 反正人又少, 我都想郁動吓, 仲要添置吓糧草呢, 呢啲嘢你叫啲男人買咪又係冇用, 又唔知價又唔知買咩咁! 所以食完先去至程買咗丸同燒賣, 跟住又去超市入吓貨咁! 然後又要回歸啦, 返到去老公都只係入房瞓同打機, 我都好直接同佢講, 佢喺屋企的存在感好低, 又唔識幫手擺買返嚟啲嘢, 又唔防疫咁換衫等等工作, 有時真係令人好氣結! 放好嘢我就要教仲仲網上功課啦, 之後又要同佢溫吓書, 主力都係英文先啦, 2點多老公出門口返工, 我地就3點幾先煮嘢食, 今次整咗個蕃茄薯仔烏冬佢地食啦, 當然都係好好味! 本來諗住今日做吓公司嘢, 但最終都係放棄咗, 陣間阿姐又話我好病先嚟扮勤力! 所以都係hea吓算! 7點多煮晚飯, 然後都係清潔睇電視等等啦! 放多兩日假就要返工, 但我竟然有點enjoy咁樣FTM的日子, 唔洗諗太多嘢, 睇吓功課, 煮吓飯咁又一日!
今日都係繼續喺屋企啦,不過老公今日返中, 朝早本來又話佢煮早餐,但起得身嚟都11點, 我又睇完啲廣告想想麥記個扭扭粉, 所以見自己個樣都見得吓人, 不如就出去食啦, 反正人又少, 我都想郁動吓, 仲要添置吓糧草呢, 呢啲嘢你叫啲男人買咪又係冇用, 又唔知價又唔知買咩咁! 所以食完先去至程買咗丸同燒賣, 跟住又去超市入吓貨咁! 然後又要回歸啦, 返到去老公都只係入房瞓同打機, 我都好直接同佢講, 佢喺屋企的存在感好低, 又唔識幫手擺買返嚟啲嘢, 又唔防疫咁換衫等等工作, 有時真係令人好氣結! 放好嘢我就要教仲仲網上功課啦, 之後又要同佢溫吓書, 主力都係英文先啦, 2點多老公出門口返工, 我地就3點幾先煮嘢食, 今次整咗個蕃茄薯仔烏冬佢地食啦, 當然都係好好味! 本來諗住今日做吓公司嘢, 但最終都係放棄咗, 陣間阿姐又話我好病先嚟扮勤力! 所以都係hea吓算! 7點多煮晚飯, 然後都係清潔睇電視等等啦! 放多兩日假就要返工, 但我竟然有點enjoy咁樣FTM的日子, 唔洗諗太多嘢, 睇吓功課, 煮吓飯咁又一日!
2020年2月20日 星期四
20/2/20
20/2/20. THU. COLD
繼續自我隔離的日子，今日竟然我最早起身，冇人整定早餐我食，加上我攞返嚟嗰盒脆片唔洗一個星期已經被K.O.了，所以今日我同笨元食麥皮咋！比佢地hea多陣又要趕佢地去溫習做網上功課等等，飯前時間同仲爺做好哂網上功課，咁飯後就開始同仲仲上堂，今日只係上咗英文咋，因為中文都唔知教邊課咁，盡量教啦，子元就真係可以比佢自學吓， 成日都好似好快做好哂咁，都唔知佢係咪！4點多放學，我都自由吓！老公放工去咗代我覆診，因為要攞藥囉！接埋嫲嫲過來同我地煮飯食，咁我又可以好輕鬆！飯後老公車嫲嫲返去，又去埋做運動，所以飯後都係得我同佢兩個，咁冇咩事都係咁睇電視沖涼休息！
繼續自我隔離的日子，今日竟然我最早起身，冇人整定早餐我食，加上我攞返嚟嗰盒脆片唔洗一個星期已經被K.O.了，所以今日我同笨元食麥皮咋！比佢地hea多陣又要趕佢地去溫習做網上功課等等，飯前時間同仲爺做好哂網上功課，咁飯後就開始同仲仲上堂，今日只係上咗英文咋，因為中文都唔知教邊課咁，盡量教啦，子元就真係可以比佢自學吓， 成日都好似好快做好哂咁，都唔知佢係咪！4點多放學，我都自由吓！老公放工去咗代我覆診，因為要攞藥囉！接埋嫲嫲過來同我地煮飯食，咁我又可以好輕鬆！飯後老公車嫲嫲返去，又去埋做運動，所以飯後都係得我同佢兩個，咁冇咩事都係咁睇電視沖涼休息！
2020年2月19日 星期三
2020年2月18日 星期二
2020年2月17日 星期一
2020年2月16日 星期日
2020年2月15日 星期六
15/2/20
15/2/20. SAT. WARM
不知應該怎形容，因為我已經正式成為埋水痘bb, 是福不是禍， 是禍躲不過，水痘是空氣傳染，除非子元之前一出我就去阿媽到避， 否則我都走唔甩！其實話唔辛苦就假，但又咩都做唔到，唯有等囉！朝早仲爺都係整早餐比我地食啦，不過我地都9點幾10點起身了，老公要出一出去，我就同佢地喺屋企吽，叫佢地做吓網上功課， 又是時候煮午餐，都係要做架啦，食完老公出咗去做運動， 為咗令仲爺肯做網上功課，子元又唔好睇機， 我就提出玩大富翁啦，咁就可以好快過咗幾個鐘，老公買埋pizza回來做晚餐，食完佢又同子元出咗去踢波， 我就同仲仲喺屋企做平日星期六的事， 除了越來越多痘痘同痛外，其實都係一樣！
不知應該怎形容，因為我已經正式成為埋水痘bb, 是福不是禍， 是禍躲不過，水痘是空氣傳染，除非子元之前一出我就去阿媽到避， 否則我都走唔甩！其實話唔辛苦就假，但又咩都做唔到，唯有等囉！朝早仲爺都係整早餐比我地食啦，不過我地都9點幾10點起身了，老公要出一出去，我就同佢地喺屋企吽，叫佢地做吓網上功課， 又是時候煮午餐，都係要做架啦，食完老公出咗去做運動， 為咗令仲爺肯做網上功課，子元又唔好睇機， 我就提出玩大富翁啦，咁就可以好快過咗幾個鐘，老公買埋pizza回來做晚餐，食完佢又同子元出咗去踢波， 我就同仲仲喺屋企做平日星期六的事， 除了越來越多痘痘同痛外，其實都係一樣！
2020年2月14日 星期五
14/2/20
14/2/20 FRI WARM
今日雖然在家工作, 但都係覺得似放假, 同埋個人啲骨痛好似仲未好得哂咁, 喺呢啲疫情咁嚴重的時候, 總覺得一唔舒服就好大壓力咁, 加上子元的水痘完了, 但仲爺身上又有疑似的粒粒喎, 咁想點呢, 加上我自己又覺得會有, 連發夢都發呢啲就知我幾大壓力, 但要避都避唔開架啦, 可以點呢! 瞓到10點多起身, 仲爺整咗奶浸脆片我食, 咁就照食啦, 之後都係hea陣先, 跟住都要開始上堂啦, 子元上一陣, 又去煮午餐, 今日煮意粉啦, 又到仲爺上堂, 再找到個練打字的網比笨元學吓, 成日喺屋企咁hea, 找啲嘢學吓啦! 老公放工回來, 一齊出去攞消毒酒精, 留下了兩位少爺在家啦, 應該就唔怕的, 仲仲因為打咗水痘針, 佢都十成係出架啦, 但情況就冇咁嚴重囉, 只係一粒損咗, 其他都只係紅紅地! 我就覺得自己都有, 因為有啲位損咗但好痛, 不過都冇咩可以做, 希望只係我心多啦!
今日雖然在家工作, 但都係覺得似放假, 同埋個人啲骨痛好似仲未好得哂咁, 喺呢啲疫情咁嚴重的時候, 總覺得一唔舒服就好大壓力咁, 加上子元的水痘完了, 但仲爺身上又有疑似的粒粒喎, 咁想點呢, 加上我自己又覺得會有, 連發夢都發呢啲就知我幾大壓力, 但要避都避唔開架啦, 可以點呢! 瞓到10點多起身, 仲爺整咗奶浸脆片我食, 咁就照食啦, 之後都係hea陣先, 跟住都要開始上堂啦, 子元上一陣, 又去煮午餐, 今日煮意粉啦, 又到仲爺上堂, 再找到個練打字的網比笨元學吓, 成日喺屋企咁hea, 找啲嘢學吓啦! 老公放工回來, 一齊出去攞消毒酒精, 留下了兩位少爺在家啦, 應該就唔怕的, 仲仲因為打咗水痘針, 佢都十成係出架啦, 但情況就冇咁嚴重囉, 只係一粒損咗, 其他都只係紅紅地! 我就覺得自己都有, 因為有啲位損咗但好痛, 不過都冇咩可以做, 希望只係我心多啦!
2020年2月13日 星期四
13/2/20
13/2/20 TUE WARM
今日又要返工啦, 返一日放一日咁感覺係要趕進度, 7點幾起身出門口, 返到去食埋早餐, 又要量體溫又要問飯等等已經夠忙, 跟住又要清email咁, 其實我啲進度都算係咁上吓架啦! 話咁快又放飯啦, 食完飯都係邊打機邊做吓嘢, 怕做唔哂嘛! 所以下午都真係好努力工作, 放工回家架巴士勁快, 我又冇去超市, 想快啲返去休息吓, 個人好攰冇力咁, 好在嫲嫲煮埋飯洗埋碗, 子元又可以吸塵抺地, 所以我可以咩都唔理! 差不多就去沖涼, 仲爺一日喺屋企總係整到啲嘢亂哂咁, 其實真係好煩! 終於打暈咗佢, 可以自由時間吓, 不過我真係周身痛咁, 可能呢幾日真係太夜瞓!
今日又要返工啦, 返一日放一日咁感覺係要趕進度, 7點幾起身出門口, 返到去食埋早餐, 又要量體溫又要問飯等等已經夠忙, 跟住又要清email咁, 其實我啲進度都算係咁上吓架啦! 話咁快又放飯啦, 食完飯都係邊打機邊做吓嘢, 怕做唔哂嘛! 所以下午都真係好努力工作, 放工回家架巴士勁快, 我又冇去超市, 想快啲返去休息吓, 個人好攰冇力咁, 好在嫲嫲煮埋飯洗埋碗, 子元又可以吸塵抺地, 所以我可以咩都唔理! 差不多就去沖涼, 仲爺一日喺屋企總係整到啲嘢亂哂咁, 其實真係好煩! 終於打暈咗佢, 可以自由時間吓, 不過我真係周身痛咁, 可能呢幾日真係太夜瞓!
2020年2月12日 星期三
12/2/20
12/2/20 WED COOL
今日又係work from home, 所以瞓到10點幾先起身出去食早餐, 老公要揍仲爺去學音樂,所以我同子元返屋企, 休息吓就到上堂時間, 中英數常全部要上, 還要做埋啲練習呢, 期間就整番熱啲隔夜餸食埋佢! 老公仲爺回來後食埋嘢又係時候做埋啲網上功課了, 5點多老公叫我地換衫出去食飯, 要著靚靚喎, 因為要去食情人節餐, 食意大利嘢! 我嗰日講咗想食意大利菜老公就找地方了! 過到對面海, 又係全英文的西餐呢, 雖然係有啲貴, 但真係好好食, 好多嘢都係慢煮出嚟, 真係好特別, 仲有我最愛的甜品tiramisu, 真係好sweet呢! 食完都係回家啦, 老公又話想出去踢波, 咁做運動就由得佢囉, 反正我都要喺屋企追大結局呢!
今日又係work from home, 所以瞓到10點幾先起身出去食早餐, 老公要揍仲爺去學音樂,所以我同子元返屋企, 休息吓就到上堂時間, 中英數常全部要上, 還要做埋啲練習呢, 期間就整番熱啲隔夜餸食埋佢! 老公仲爺回來後食埋嘢又係時候做埋啲網上功課了, 5點多老公叫我地換衫出去食飯, 要著靚靚喎, 因為要去食情人節餐, 食意大利嘢! 我嗰日講咗想食意大利菜老公就找地方了! 過到對面海, 又係全英文的西餐呢, 雖然係有啲貴, 但真係好好食, 好多嘢都係慢煮出嚟, 真係好特別, 仲有我最愛的甜品tiramisu, 真係好sweet呢! 食完都係回家啦, 老公又話想出去踢波, 咁做運動就由得佢囉, 反正我都要喺屋企追大結局呢!
2020年2月11日 星期二
11/2/20
11/2/20 TUE COLD
今日要返工啦, 其實而家大家講少咗嘢有時都幾悶, 個個都喺自己位食飯咁, 不過都好的冇得結黨營私! 一返去都係同大家量體溫咁, 跟住都係做嘢啦, 好在我要做嗰啲嘢好分明, 咩日子就做咩, 所以影響其實不太, 只係要做快啲咁解! 午飯時間只係喺位食飯打機, 夠鐘又開工啦, 阿姐出埋今個星期更表, 今個星期我只返二四, 其實都有好有唔好, 因為返到去就真係要快手做呢! 下午啲時間都過得快, 放工返去再去惠康又買咗啲嘢食, 順手睇D廁紙都係冇, 唯有明天過長沙灣再睇, 因為都要入番貨, 開始到達底線! 返上樓有飯食, 大包都過咗嚟, 食完等佢地走咗我就要清潔同消毒一番啦, 老公今晚又做埋gym先返,咁又好夜啦!
今日要返工啦, 其實而家大家講少咗嘢有時都幾悶, 個個都喺自己位食飯咁, 不過都好的冇得結黨營私! 一返去都係同大家量體溫咁, 跟住都係做嘢啦, 好在我要做嗰啲嘢好分明, 咩日子就做咩, 所以影響其實不太, 只係要做快啲咁解! 午飯時間只係喺位食飯打機, 夠鐘又開工啦, 阿姐出埋今個星期更表, 今個星期我只返二四, 其實都有好有唔好, 因為返到去就真係要快手做呢! 下午啲時間都過得快, 放工返去再去惠康又買咗啲嘢食, 順手睇D廁紙都係冇, 唯有明天過長沙灣再睇, 因為都要入番貨, 開始到達底線! 返上樓有飯食, 大包都過咗嚟, 食完等佢地走咗我就要清潔同消毒一番啦, 老公今晚又做埋gym先返,咁又好夜啦!
2020年2月10日 星期一
10/2/20
10/2/20. MON. COOL
今日work from home，其實咪即係放假，瞓到9點幾10點先起身，梳洗後出得去食早餐都已經12點多，今日比笨元一齊出去，佢啲痘都去得7788，就比佢見吓光！食完早餐就買埋餸返屋企！今日星期一嘛，學校upload 咗網上功課，所以下午主力都係叫佢地做功課啦，期間係要煮吓午餐囉！hea到7點多又要搞晚餐啦，呢排煮飯煮到怕，因為冇得出街食局住煮，但好處係廚藝進步咗好多，佢地成日都食清光！子元好番可以幫手做家務，今日已經要佢清潔哂間房，晚上仲可以幫手清潔等等，真係好！老公今晚去做埋gym先返，咁比咗錢點都要做吓嘅，我真係完全冇動力，又食又唔郁真係唔係辦法！
今日work from home，其實咪即係放假，瞓到9點幾10點先起身，梳洗後出得去食早餐都已經12點多，今日比笨元一齊出去，佢啲痘都去得7788，就比佢見吓光！食完早餐就買埋餸返屋企！今日星期一嘛，學校upload 咗網上功課，所以下午主力都係叫佢地做功課啦，期間係要煮吓午餐囉！hea到7點多又要搞晚餐啦，呢排煮飯煮到怕，因為冇得出街食局住煮，但好處係廚藝進步咗好多，佢地成日都食清光！子元好番可以幫手做家務，今日已經要佢清潔哂間房，晚上仲可以幫手清潔等等，真係好！老公今晚去做埋gym先返，咁比咗錢點都要做吓嘅，我真係完全冇動力，又食又唔郁真係唔係辦法！
2020年2月9日 星期日
2020年2月8日 星期六
2020年2月7日 星期五
7/2/20
7/2/20 FRI WARM
今日到我開工啦, 根本就係忙到顛, 因為一個人做四個人嘢嘛, 唔顛就奇啦, 未夠9點食咗半份早餐, 跟住又要量體溫又要睇其他嘢等等, 正所謂門口又係我, hotline又係我, 有人入嚟又要量體溫咁, 還有我自己嘢呢, 上嚟唔係過相又攞JC, 總之做死我啦, 12點幾我餓到快手食埋個包,唔理陣間食午飯! 今日同咗Joey Joyce佢地去食車仔麵, 講番今朝的慘況囉! 下午啲時間過得好慢, 又唔係冇嘢做的,但就係咁耐都未放得工咁! 終於捱到6點閃得, 帶埋加料啲餸返去, 都係雞同燒肉啫, 不過就煮少好多, 食完都係日常咁清潔沖涼睇電視啦, 係今晚老公放假嘛, 都係到咁解囉!
今日到我開工啦, 根本就係忙到顛, 因為一個人做四個人嘢嘛, 唔顛就奇啦, 未夠9點食咗半份早餐, 跟住又要量體溫又要睇其他嘢等等, 正所謂門口又係我, hotline又係我, 有人入嚟又要量體溫咁, 還有我自己嘢呢, 上嚟唔係過相又攞JC, 總之做死我啦, 12點幾我餓到快手食埋個包,唔理陣間食午飯! 今日同咗Joey Joyce佢地去食車仔麵, 講番今朝的慘況囉! 下午啲時間過得好慢, 又唔係冇嘢做的,但就係咁耐都未放得工咁! 終於捱到6點閃得, 帶埋加料啲餸返去, 都係雞同燒肉啫, 不過就煮少好多, 食完都係日常咁清潔沖涼睇電視啦, 係今晚老公放假嘛, 都係到咁解囉!
2020年2月6日 星期四
2020年2月5日 星期三
2020年2月4日 星期二
2020年2月3日 星期一
3/2/20
3/2/20. MON. COOL
今日又係全日在家， 老公要返工， 我就在家工作嘛， 都真係有做吓嘢架！朝早瞓到10點多起身， 整早餐比佢地食， 齊齊食麥皮咋， 老公要幫子元搽藥， 我就摺吓衫咁， 仲爺就喺佢間房玩玩具！冇辦法啦要隔離嘛可以點呢！老公今日要返工，12點幾就出咗去， 所以我地又係hea， 2點多先煮丁麵囉， 食完又hea，跟住就預備吓煮晚餐啲嘢，笨元話喉嚨痛所以煮粥比佢食囉， 跟住都係做番清潔嘢啦，已經比平日再努力清潔吓架啦，笨元先搞笑唔想比我搽藥， 要等老公返來幫佢搽！有樣仲搞笑，下午衛生防護中心打嚟，因為子元去咗法國睇完，傳染病要上報所以要打嚟問嘢！明天我就要返工了， 一定忙到顛！
今日又係全日在家， 老公要返工， 我就在家工作嘛， 都真係有做吓嘢架！朝早瞓到10點多起身， 整早餐比佢地食， 齊齊食麥皮咋， 老公要幫子元搽藥， 我就摺吓衫咁， 仲爺就喺佢間房玩玩具！冇辦法啦要隔離嘛可以點呢！老公今日要返工，12點幾就出咗去， 所以我地又係hea， 2點多先煮丁麵囉， 食完又hea，跟住就預備吓煮晚餐啲嘢，笨元話喉嚨痛所以煮粥比佢食囉， 跟住都係做番清潔嘢啦，已經比平日再努力清潔吓架啦，笨元先搞笑唔想比我搽藥， 要等老公返來幫佢搽！有樣仲搞笑，下午衛生防護中心打嚟，因為子元去咗法國睇完，傳染病要上報所以要打嚟問嘢！明天我就要返工了， 一定忙到顛！
2020年2月2日 星期日
2/2/20
2/2/20 SUN COLD
今朝子元唔知幾點走咗入嚟話好辛苦, 老公就起身梳洗同佢去法國醫院睇醫生, 我就照瞓到佢地差不多回來, 梳洗埋出門口出去食早餐, 反正都要買嘢架啦, 食完買完就返去啦, 跟住就吽足一日啦! 老公主力照顧子元, 因為佢出過水痘冇咁驚, 我真係好怕呀! 之後老公去咗瞓, 我地就各有各打機, 到餓啦就整嘢食囉, 子元成日都叫痛, 其實見佢咁真係好辛苦, 但係都冇咩幫到佢! hea到晚飯時間真係要有郁啦, 都係日常煮飯等等! 明天又係work from home, 今個星期我返二四, Ivy返一三五, 咁我地兩個夾到其實都冇咩問題! 都好可以照顧到子元, 明天老公返中, 我就要獨力支持架啦!
今朝子元唔知幾點走咗入嚟話好辛苦, 老公就起身梳洗同佢去法國醫院睇醫生, 我就照瞓到佢地差不多回來, 梳洗埋出門口出去食早餐, 反正都要買嘢架啦, 食完買完就返去啦, 跟住就吽足一日啦! 老公主力照顧子元, 因為佢出過水痘冇咁驚, 我真係好怕呀! 之後老公去咗瞓, 我地就各有各打機, 到餓啦就整嘢食囉, 子元成日都叫痛, 其實見佢咁真係好辛苦, 但係都冇咩幫到佢! hea到晚飯時間真係要有郁啦, 都係日常煮飯等等! 明天又係work from home, 今個星期我返二四, Ivy返一三五, 咁我地兩個夾到其實都冇咩問題! 都好可以照顧到子元, 明天老公返中, 我就要獨力支持架啦!
2020年2月1日 星期六
1/2/20
1/2/20 SAT COOL
今日係忙碌的一天, 不過就留咗子元喺屋企一日囉! 8點多叫醒仲爺去畫班, 已經遲咗架啦,但上到去竟然一個人都冇,仲爺包場呢! 佢有佢學我就去買嘢, 不過先食咗個早餐, 再睇吓係咪真係冇哂啲消毒用品, 點知連相熟的藥房都唔比留電話了, 買埋菜買埋肉就返畫室接仲仲, 回家後又要清理一餐啦, 然後就同仲爺睇吓網上練習, 又要煮午餐比佢地食,然後再揍仲爺去學音樂, 今日只係打鼓, 但係打一個鐘, 我又冇得去食嘢打發時間, 邊行得咁多地方喎, 真係悶到一個點! 學完就撘巴士返去, 呢程車最好有得瞓, 有耳塞我就可以瞓得好好, 回家後睇吓子元咩情況, 佢話覺得好攰, 沖咗個涼就好啲, 但我都覺得佢係有啲唔妥, 因為背脊多咗好多粒粒, 影咗比老公睇佢又冇嘢, 好在佢冇得再返第3更要回來, 咁就好啦, 一睇佢就話子元出水痘, 咁我就驚啦, 因為我未出過水痘, 今次真係要自我隔離啦, 都唔知係好彩定唔好彩啦, 反正都要隔離, 咁就等全港都隔離時等佢自我隔離吓啦!
今日係忙碌的一天, 不過就留咗子元喺屋企一日囉! 8點多叫醒仲爺去畫班, 已經遲咗架啦,但上到去竟然一個人都冇,仲爺包場呢! 佢有佢學我就去買嘢, 不過先食咗個早餐, 再睇吓係咪真係冇哂啲消毒用品, 點知連相熟的藥房都唔比留電話了, 買埋菜買埋肉就返畫室接仲仲, 回家後又要清理一餐啦, 然後就同仲爺睇吓網上練習, 又要煮午餐比佢地食,然後再揍仲爺去學音樂, 今日只係打鼓, 但係打一個鐘, 我又冇得去食嘢打發時間, 邊行得咁多地方喎, 真係悶到一個點! 學完就撘巴士返去, 呢程車最好有得瞓, 有耳塞我就可以瞓得好好, 回家後睇吓子元咩情況, 佢話覺得好攰, 沖咗個涼就好啲, 但我都覺得佢係有啲唔妥, 因為背脊多咗好多粒粒, 影咗比老公睇佢又冇嘢, 好在佢冇得再返第3更要回來, 咁就好啦, 一睇佢就話子元出水痘, 咁我就驚啦, 因為我未出過水痘, 今次真係要自我隔離啦, 都唔知係好彩定唔好彩啦, 反正都要隔離, 咁就等全港都隔離時等佢自我隔離吓啦!
訂閱：
文章 (Atom)