20/2/20

20/2/20.   THU.    COLD

繼續自我隔離的日子，今日竟然我最早起身，冇人整定早餐我食，加上我攞返嚟嗰盒脆片唔洗一個星期已經被K.O.了，所以今日我同笨元食麥皮咋！比佢地hea多陣又要趕佢地去溫習做網上功課等等，飯前時間同仲爺做好哂網上功課，咁飯後就開始同仲仲上堂，今日只係上咗英文咋，因為中文都唔知教邊課咁，盡量教啦，子元就真係可以比佢自學吓， 成日都好似好快做好哂咁，都唔知佢係咪！4點多放學，我都自由吓！老公放工去咗代我覆診，因為要攞藥囉！接埋嫲嫲過來同我地煮飯食，咁我又可以好輕鬆！飯後老公車嫲嫲返去，又去埋做運動，所以飯後都係得我同佢兩個，咁冇咩事都係咁睇電視沖涼休息！