7/2/20

7/2/20     FRI     WARM

今日到我開工啦, 根本就係忙到顛, 因為一個人做四個人嘢嘛, 唔顛就奇啦, 未夠9點食咗半份早餐, 跟住又要量體溫又要睇其他嘢等等, 正所謂門口又係我, hotline又係我, 有人入嚟又要量體溫咁, 還有我自己嘢呢, 上嚟唔係過相又攞JC, 總之做死我啦, 12點幾我餓到快手食埋個包,唔理陣間食午飯! 今日同咗Joey Joyce佢地去食車仔麵, 講番今朝的慘況囉! 下午啲時間過得好慢, 又唔係冇嘢做的,但就係咁耐都未放得工咁! 終於捱到6點閃得, 帶埋加料啲餸返去, 都係雞同燒肉啫, 不過就煮少好多, 食完都係日常咁清潔沖涼睇電視啦, 係今晚老公放假嘛, 都係到咁解囉!