29/2/20

29/2/20     SAT     WARM

今日是4年一遇的2月29日呢, 不過都是冇咩特別咁過, 朝早老公先揍子元去補英文, 然後回來接我地去食早餐, 今日轉轉款去咗狼穴食all day breakfast, 第一次食呢, 上次都係試咗咖啡, 今次試埋早餐, 又真係幾正喎, 仲爺食個芝士麵都好開心食哂! 接咗子元就去買糧餉, 菜呀肉呀都買一堆先, 咁又幾日唔洗煩! 返到去老公就瞓覺, 我就睇吓機等等, 2點幾老公揍仲仲去學音樂, 我就捉子元換床單攞被落樓洗等等, 跟住老公回來就話出去買埋個吸塵機, 點知去到豐澤冇貨, 唯有比咗錢先星期三先有得攞呢! 回家後要做吓運動, 跟住又準備煮飯, 晚飯後老公帶咗子元去踢波, 我就做吓清潔咁啦, 反正仲仲都喺到睇機, 9點幾捉佢沖涼瞓覺, 我就可以自由時間了!