21/3/20

21/3/20     SAT     WARM

星期六最好就係可以瞓晏啲,不過都係瞓到8點幾就要起身, 笨元要去補英文嘛! 咁我地就去食早餐啦, 夠鐘就接番笨元, 我地去咗惠康買餸,唔係今晚冇嘢食, 老公就去車Yoki去醫院, 終於要面對的事終於要面對, 佢地今日都喺康傑group公開咗呢件事! Johnson打過嚟問呢件事, 佢地明晚都會一齊去探一探梓朗, 算係見最後一面, 點都係朋友, 盡一盡心意都應該! 子元話同學仔收到九華的面試信, 我諗嚟諗去好唔好落樓睇信箱, 最終都去咗睇, 終於收到啦, 今個星期要好好計劃吓, 下星期點面試! 下午老公揍仲仲去學音樂, 我就同子元講授番今個星期教的, 然後可以打吓機休息吓, 老公回來煮晚飯, 有好好食的焗豬扒飯, 飯後老公去做運動然後返工,我地就清潔沖涼睇電視, 今晚個個台都有好節目, 真係好難選擇!