3/3/20

3/3/20.   TUE.    COOL

今日都係如常咁返工啦，老公叫醒咗啲仔，一齊送我返工再去食早餐！開工後都係做吓嘢啦，唔洗太急咁慢慢做啦！時間過得好快又午飯啦，食飽飽就打機啦，下午吹吓水又做吓嘢咁，終於放工前發佈消息點樣分office工作，我都係要去番利登嗰邊返工，都唔知叫做好定唔好！不過都冇得選擇就唔好理咁多啦！放工返到去就準備開飯啦，老公食完又出去做埋運動就返工，我就喺揍住佢兩個，其實佢地真係好嘈好唔冷靜，仲要捱多個幾月先有學返，其實係家長最痛苦！放縱得太耐佢地又睇埋哂啲電視先瞓，笨元仲衰，掛住睇電視，叫佢開機洗衫又唔蓋內蓋，又搞甩洗衣機個皮帶啦，啲衫又洗唔到啦，希望老公明天整得到啦，雖然個洗衣機係就嚟壞，但我都唔想佢被「謀殺」囉，自然死亡先啱架嘛！