27/9/20

 27/9/20     SUN     HOT

今朝都唔算瞓得晏, 9點多就醒了, 等老公上埋堂就諗住出去食早餐, 但又要整埋個網上銀行喎, 可能係我太唔識搞呢啲電腦嘢, 搞到我都炆! 終於搞掂咗可以去食嘢啦, 時間關係要去荃灣食, 食完行埋荃灣廣場同Aeon呢, 不過個人都攰, 所以都唔算行得好enjoy! 老公返公前車咗我地返去, 因為遲食早餐嘛, 又可以慳番一餐, 摺哂啲衫, 4點多先落去一人買咗一份燒賣魚蛋食就當一餐, 再去惠康買嘢, 都係啲飲品呀麵呀嗰啲啦, 攞到手都軟! 回家後等佢地沖咗涼, 擺好買返嚟啲嘢, 兩條友又睇機, 我就準備吓晚餐咁, 都係提唔起心機同佢地溫習, 煮好飯食埋飯清潔完都要stop佢地睇機, 不過都係停唔到子元架啦, 比多次機會佢先, 真係大個仔唔想好似小學雞咁同佢溫書, 反而就去咗同仲爺溫, 希望子元今個星期開始做到我教佢的溫習方法啦!