29/9/20

 29/9/20.    TUE.    HOT

仲爺終於都開學啦，所以今朝要好早起身啦，可以早啲出門口，唔知今朝會唔會周圍都塞車嘛！結果好快都返到去啦，先車咗子元去長天，再到仲爺去荔天，本來老公話車我返工， 但見到個google map紅到咁，都係去南昌站算啦！由於太早到咗，忍唔住去咗買麥記，食咗個最輕呵的就算！今日主力又係剪job cert同吹水，午飯後去咗買包比佢地估早餐，又要諗晚飯食咩，都係簡單啲食粉算啦！放工返到去阿媽都係過咗嚟不久，見我返嚟佢都走啦！煮住飯等子元回來又啱啱好開飯！清潔完又要睇功課啦，子元就再放吓手比佢自己嚟！仲爺瞓咗可以自由吓，明天又要早起啦！