5/9/20

 5/9/20     SAT.    HOT

今個星期六終於有啲似回復到疫情之前，因為仲仲可以去學畫畫又可以學音樂。所以8:00就要起身，等佢哋食埋個早餐就去學野，子元補英文，仲仲去畫班，我同老公就去食早餐。本來落大雨諗住Konter唔使練波，點知10點幾又出太陽，咁老公接咗子元就去踢波，搞到我喺美孚行返去畫室接仲仲，都要行咗半個鐘真係有啲攰。返屋企Hea到咁上下，兩位臭男就返嚟，到點幾鐘又要出門口，仲爺去學音樂，子元就自己係屋企搞掂。我都好耐冇湊個仲仲學音樂，去食埋個午餐，行咗陣$12店就接仲仲，搭地鐵返屋企。Hea到六點幾七點先至煮晚餐，都係簡單西餐啦！清潔完做埋運動就沖涼休息啦！