1/11/20

 1/11/20     SUN.    HOT

今日都係預咗做溫書日，八點未夠就比隔離屋個細路的喊聲嘈醒，所以九點未夠就起身煮早餐食埋都係10點，比佢哋Hea多陣先講佢哋入去做嘢。仲仲就開始溫下英文先，子元就做佢嘅改正，時間過得好快，溫下唞吓唔覺唔覺就三點。諗住叫老公買嘢返嚟食，先醒起佢今日話去踢波。最終將雪櫃啲冷凍物資整咗嚟食，點知原來老公會返嚟帶埋子元去踢波，咁我就同仲爺繼續溫書囉，不過都處於半放棄狀態啦，因為點谷佢都係得個吉，費事嘥氣！佢哋踢完波返嚟就出去食飯，係約咗嫲嫲去食，然後上佢屋企望吓再攞啲嘢就返屋企啦！