28/11/20

 28/11/20.    SAT.    COOL

今日係仲爺期待已久的生日會，不過都要等到夜晚，早上的活動都係會照常。今朝好傻仔咁以為要返工6:57扎醒咗仲諗緊死啦下1秒又諗到今日係星期六喎，不過已經瞓唔番！起身後叫佢哋快啲梳洗，出門口去畫班同埋補習，我同老公就去食早餐，接晒佢哋之後本來諗住出車，點知有架私家車加價雞記擋住晒北極都冇人理，於是老公就1823，不過好在最尾㗎雞記都駛走，我哋都出到車帶走去九龍灣買嘢，今日洗咗好多錢，但都係要買嘅嘢，子元啲長袖衫全部都唔啱，快手買幾件比佢，嗰間新嘅運動舖仲有好多嘢買，所以細佬同子元都買咗件外套！然後去咗UNIQLO但都買唔啱，最後上咗無印反而有收穫，行返過馬莎買今晚整威靈頓牛肉的食材，最後仲喺Sara買埋衫褲比子元跟住就回程啦，老公車左我同笨元返屋企，佢就揍仲爺去學音樂，我就返屋企摺埋啲衫，子元食完飯都要溫書啦！都五點幾老公返嚟車我去買咗蛋糕，接埋朗同仲爺過嚟一齊玩，老公就係咁煮嘢食，我做手術啦咁等張家溫家程家佢地到，可以吹水食飯慶祝仲仲佢嘅生日！全晚都係好嘈咁，老公係咁整嘢食，我哋就係咁吹水，切埋蛋糕，佢都玩到差不多12點先至想散場，不過仲爺話佢好開心。