5/11/20

 5/11/20     THU.    COOL

今日都係老公車我哋返工返學，食埋早餐然後佢就去上消防堂，返到公司都係開工啦，聽住收音機做嘢不過時間過得好慢，放飯之後可以快手食完上德福買餸，同咗Joey媽媽一齊上去，佢都係志在行吓。下午都係迫於無奈咁繼續做嘢，好在有得聽住收音機，咁都冇咁悶。放工搭地鐵返去，因為唔想仲爺跟住阿哥去球場，所以拜托左Letty媽媽幫手睇住，咁我就要快啲返去接咗佢，然後返屋企煮飯睇功課等等。老公佢哋八點幾先返到嚟食埋晚飯，佢又要返工啦。然後我就仲有好多家務要做，又要趕仲爺去沖涼瞓覺！