21/11/20

 21/11/20     SAT.    WARM

星期六朝早可以瞓晏啲啦，8點起身啦臭晒兩個去學野，我同老公就去食早餐，然後去接返子元，同Miss Yu講吓問吓英國啲嘢，佢都話好多學生都或者會走。抽埋中中，就去咗九龍灣MegaBox IKEA，去咗買嘢，買完就返屋企，上樓換完裝備老公就揍仲爺去學音樂。本來今日應該同子元溫吓書，但佢淨係整個時間表，佢都整咗好耐。我又冇咩心機想溫書，因為隨時連中學生會停課，咁就真係試都唔使考啦！晚飯去阿媽度食，因為同阿媽慶祝生日，食完要洗埋碗跟住做埋蛋糕，做嘢攞埋佢個ukalili過去唱生日歌！老公車左我哋返嚟，佢就去咗踢波。