18/7/19

18/7/19.   THU.    HOT

今日請咗病假，仲仲最後一日返幼稚園啦，隻豬仔梗係緊要啦！返去影完一輪相先返入學校，然後就喺門口吹水等入去睇早會操同表演，仲爺跳舞成日都慢半拍，唱歌又細聲，唔怪得成日比人放側邊啦，不過睇住佢傻吓傻吓咁都好正！點都係一個好回憶！10點多要走啦，佢地繼續生日會，老公回來接我們出咗去深水涉食豬潤麵做早餐，再喺玩具街買咗貼紙陣間放學派，啲同學仔實在係買左太多禮物，係咁二都回一回禮！買完返去等開門接仔派禮物影相，同老師say goodbye， 影夠相就返屋企啦，沖個涼就開始執屋，因為要預備下星期仲仲個房重新編排呢！3點幾落去食tea，順手攞埋射波紙，返上樓後繼續執，子元去咗游水時，仲爺就試埋啲衫，唔啱的要送比人，我實書包等都已經掉埋，向前看嘛為小一做準備！7點落去接埋子元就入青衣找嫲嫲，一齊去荃灣買床墊比仲仲張新床呢，然後去埋打邊爐，返得屋企都差不多11點，沖完涼仲要收拾埋衣櫃個位放番好啲嘢先，等新衣櫃就可以放番入去，好期待！