26/7/19

26/7/19.   FRI.    HOT

今日真係Happy Frday，一來真係冇咩做，二來阿姐下午後來出埋去，簡直放監咁！早上老公車我返去又係好趕，塞車真係好煩！返去拍咗卡先買早餐慢慢食，然後都有做吓嘢又吹吓水咁囉，午飯本來諗住快食完去街，但Jackey同Peggy整咗好好味的咖哩同拍青瓜返來，係咁加餸呢，食到唔停口！ 食完都照去街，上咗Uniquo買衫，買咗件Snoopy比自己又買咗條短褲比子元！下午做咗陣嘢就開始自由活動，吹水上網search澳門酒店啲嘢咁好快又放工，老公嚟接我返屋企，我又開始執嘢，點知仲爺喺到戴住耳筒聽住歌嚟唱，唱到超級無敵估歌仔咁， 好好笑！執到咁上吓煮烏東一齊食然後去小童合唱團！回來後砌埋個櫃就可以放番啲衫入去，慢慢回復好個房！