29/7/19

29/7/19.   MON.   HOT

今日真係好Blue Monday，勁唔想返工囉！朝早又係趕頭趕命咁催佢地出門口先返到工囉！返去食埋早餐再hea吓咁，都有嘢做吓嘅！好好享受埋呢幾日又開工啦！午飯同咗Joey入去房食，最終連Catherina佢地都入埋嚟食，吹水時間過得特別快，又到下午開工時間，係咁睇去澳門啲嘢，唔係之後就冇時間架啦！放工快腳行去巴士站，都算早返到去，發現老公射咗波，唉。。。都唔緊要啦，仲要係之前扣分扣滿咗要停牌3個月，咁唯有盡量少渣囉，唔係可以點呢！今日好攰，嫲嫲來咗煮飯，平時我都會自己洗番碗，但今日真係唔想，偷吓懶啦！終於KO.咗佢地可以自由吓！