1/7/19

1/7/19.   SUN.    VERY HOT

今日又10點多先起身，梳洗後都冇煮早餐，因為老公又瞓緊，咁我又好想執咗仲爺個櫃頂，所以都係係咁做，等老公起身後先出去，直接食個早午餐，然後要找地方去啦，子元黃昏時又要踢波，咁就去球場附近，行咗荷李活廣場，又行到兩個鐘喎！不過佢兩個行街真係好煩，睇住佢地又睇唔到嘢，唔睇住又成日搞事， 真係好煩！差不多夠鐘，老公帶佢地去球場我就喺樂富的商場涼冷氣，不過其實都冇咩行，又要唔比自己買嘢，都幾辛苦！不過都去咗759買咗少少嘢啦，已經好忍手！去球場等佢地，終於踢完一齊去咗食晚飯，佢地吹到8點幾先散場呢，快啲返去沖涼瞓覺啦，明天又要返工返學！