30/6/19

30/6/19.   SUN.    VERY HOT RAIN

3日連假的第二天，我瞓到10點幾先起身，其實都比仲爺嘈醒咗幾次， 係唔願起身啫！醒咗諗起子元個VR 遊戲卷今日到期，馬上打去同佢book，等子元踢完波返嚟，沖好涼執好嘢12點幾就出去，過愉景新城玩佢個VR，睇佢郁郁吓咁都幾無聊，等仲爺玩埋車仔就可以去食嘢，點知出車就落勁大雨，所以泊好車食嘢都濕哂呢！附近茶記食完去咗荃灣廣場行，都行到4點幾才回家，老公要瞓覺，我就同仲爺快手咁叫做溫咗數學常識，我都覺得自己溫得好求奇咁，但總好過冇啦！叫醒老公出門口去食嘢，本來想去深水涉食好出名嗰間牛扒，但實在太多人，最終去咗奧海城食food court算，食完就行咗陣商場，買咗仲仲的睡衣，還有子元的斜揹袋，又洗多咗錢啦，一出街就會咁！今晚老公又返夜，送我地回家後佢hea咗陣都返工了！