23/6/19

23/6/19.   SUN.    HOT*

今日瞓到8點幾比太陽光射醒，仲爺已經唔知起咗身幾耐，咁我地都差不多起身，先同仲爺做咗啲功課先再出去食嘢，真係教到嘔血，一早就咁就係好攰！然後就出去食光速餐再行吓街，點知去咗愉景新城又玩咗好多嘢啦，算啦， 一排唔好再嚟就得！玩到點老公就車我地返去，買定少少餸就返上樓，今午都算做咗好多嘢架啦，不過係勞氣啲囉，因為係咁趕佢地做嘢執嘢嘛，執哂仲爺個床下底，轉移去我地嗰邊床，又換埋床單咁，7點多煮晚餐，又係食粉啦，不過今次唔用罐頭湯啦，就咁雞胸肉菜咁去煮佢地又鍾意喎！清潔完沖涼休息睇電視！