20/6/19

20/6/19.    THU.    HOT

今日下午要去training，朝早又忙，基本係冇停過手，我連食飯都做埋嘢，另一個原因係我唔想入房食呢，因為唔啱channel！其實有嘢忙都幾好，時間又過得快啲呢，但做完啲嘢又要比啲唔關事嘅上司睇，關事嗰啲叫咗你做又唔睇，呢間咩公司嚟架！2點幾去撘巴士過尖咀上堂，都係為儲鐘而上呢，總之捱夠就得！老公本來話來接我，不過又早咗放，所以我叫佢唔好嚟，我撘西鐵返去仲快呢！去長沙灣食米線，買埋餸明晚程家嚟食嘛！回家後快啲沖涼，又要教功課又要做家事等，真係冇停過手！