22/12/19

22/12/19.   SUN.    WARM

今日係難得一日咩都唔洗學，真係好！可以出去行街買嘢，要買聖誕禮物，子元又要買衫面試！瞓到9點起身出去食早餐，時間關係都係去食光速餐，點知又撞到may koon，又撞到肥迪！計劃去海運買嘢，路途上又去咗善導睇明愛賣物會，路過深水埗泳池又見到對面有個新場就去打吓卡影吓相，笨元影得好文青Feel呢！過到海運去咗反斗城買禮物，最終買咗9份比唔同小朋友，子元仲仲都選咗佢地想要的！跟住就睇子元的面試衫，但都係唔啱，所以食完嘢過咗圓方睇zara， 終於找到啱的，真係著得好靚仔呢！上去遊樂場玩埋就返青梅食冬節飯！