31/12/19

31/12/19.   TUE.    COOL

嚟到2019年最後一日啦，社會大事就冇咩可以回顧啦，大家都心中有數，我今年生活有咩回顧，應該係仲爺升小學，笨爺又準備升中係最大挑戰！都係努力向前看啦！今朝都係自己返工，有啲趕返去拍完卡先買早餐，今朝早都係做自己嘢，阿姐出咗去嘛，即刻做仲爺啲卷囉，做到午飯都未做完，食咗飯先啦，又再吹吓水咁！下午放4點，時間好唔夠用咁，話咁快又放工！返去睇番我兩隻豬，趕佢地做嘢等等，嫲嫲就幫我地煮埋飯佢就返去食盤菜，我就襯時間去惠康買咗嘢，晚飯後都係如常咁做埋啲嘢，子元想要倒數就由得佢啦！