26/12/19

26/12/19.   THU.    WARM

今日有兩場party要開，所以全日都冇咩做過嘢，朝早起身後叫笨元教仲爺做埋啲數，我地就梳洗出門口，先去長沙灣食個光速餐，跟住就過兒童醫院，梓朗喺醫院開聖誕party，咁我地就去參加，見到佢其實真係心痛架，佢淨係可以坐喺到，仲要坐唔穩，唔係好認到人，不過餵嘢比佢食都肯食，只係見住大家玩佢就坐喺到望！咁我地都係坐吓食吓睇住細嗰兩個玩啦，3點多我地都走啦，因為要返去等下一場的小圈子朋友來，其實都係得Ben同健啫，又係兒童樂園咁，玩到7點多出去CoCo食晚飯，食住吹吓水咁，9點幾散場，回家後安頓好兩個細沖咗涼，點知barry一家上咗嚟，吹咗陣玩咗陣都要請佢地走啦，因為我都要休息了！