25/12/19

25/12/19.   WED.    WARM

今日係聖誕節，本來有兩場party，但因為Joyce同joey媽媽個囡都病咗，所以都係放棄了，唯有改期吧！所以今日只有一場康傑小聚會，9點幾出門口過去荃灣，上到會所其實都冇咩做，大人細路都係傾吓偈咁咋，始終今次聚會係有種傷感喺到，又比較少時間去搞，所以大家都冇咩準備，但有得食吓見吓吹吓水都唔錯啦！12點幾散場老公車我地返去，佢就返工，順手攞埋架車去整番玻璃，咁我就喺屋企同兩隻豬仔做功課，都算做得七七八八，之後應該有時間溫書！5點幾出門口去踢波，仲爺就喺球場玩足兩個鐘，我就打機囉，踢完有聖誕禮物，係每人波鞋一對，又有零食咁，完成了就去樂富找地方食晚飯！返到去快手沖涼休息，老公要OT多三個鐘才放工！