12/9/21

 12/9/21     SUN     WARM

今朝都係自然醒, 比子元打機時的講嘢聲嘈醒! 可惡! 起身打吓機摺埋啲衫先, 等老公起身煮早餐食, 然後都係無所事事, 老公就話帶仲爺去睇玩具, 比佢找到間玩具店呢, 20分車程啫, 咁除咗玩具店仲有其他嘢行, 咁就去睇吓! 車程中, 阿妹打嚟視像, 佢地今晚食中秋飯呢, 都係吹吓水咁啦, 唔係太多嘢講! 落車我地就收線啦, 先去食午飯, 去咗上次同Letty佢地去食嗰間雞, 今次叫少咗啲平番少少, 跟住去咗行玩具店先, 我就要買回神啡先, 唔係行到落去! 睇完玩具就睇埋其他店, 本來諗住買番個屋企用水瓶, 但都係睇唔啱, 反而買咗個細廚餘桶, council訂嗰個for每個細袋放落去就得, 但放廚房都係要個細的先啱! 買完返屋企, 發現廁所最後一個燈都燒埋, 唯有叫老公快手出去買, 啲鋪頭收5點呢! 之後都係上網睇吓嘢, 上Amazon訂吓嘢咁啦, 晚飯老公又煮好嘢食!