28/9/21

 28/9/21     TUE     COLD

今朝都係大大風咁啦, 真係開始凍啦! 時間夠可以車咗子元返學同仲爺, 跟住我地就去咗賓福特嗰頭試吓入油, 但原來都係冇, 因為資料已經係十幾個鐘前! 唯有回家同jeep叉電, 我地就去大街嗰邊買吓嘢, 去超市入吓貨, 子元今日放早, 咁老公明天又去曼城睇波接唔到仔, 就帶佢去撘一次巴士, 希望明天唔會唔識路啦! 回家前買埋fish and chips先返去, 本來諗住安心睇吓電視, 老公突然話有油站有油, 叫我一齊去, 幫佢睇路嘛, 咁都要即刻行架啦! 終於都比佢入到油, 明天可以自己駕車上曼聯啦! 入完油回家可以休息吓, 老公煮好飯食飯啦, 跟住都係沖個涼上吓網咁! 又一日啦!