20/9/21

 20/9/21     MON     COOL

今朝開始要早起啦, 子元要返學, 又要整飯盒咁, 8點多先出到門口, 好在都唔係好趕, 回家休息吓又要出發, 終於到仲爺要去學校註冊, 星期三有得返學啦, 其實都等咗好耐, 差不多3個星期! 去註冊完再要幫仲爺買校服, 佢條腰真係好難買褲, 好在最終都買得齊, 買埋少少午餐回來食, 填吓表咁, 兩點幾又要出門口去接子元放學! 回來後忙這忙那咁, 又試吓用電飯煲煲粥, 又要幫仲爺改短條褲, 6點多叫老公起身煮飯, 食完都係洗碗休息吓咁啦, 明天又要早起啦!