14/4/17 FRI WARM
今日假期開始, 梗係瞓餐飽先, 仲爺算比面, 8點先起身, 開咗電視比佢後, 瞓到10點幾先再醒呢, 真係要起身啦, 出得門口都11點幾, 唯有食個branch啦, 去茶記食完嘢入咗沙田ikea行, 然後2點幾就入到科學園, 今日約咗敏瑩同晴晴去科學園玩轉復活節呢, 不過主力係3個大GE玩, 我地揍住D細食吓嘢玩吓車, 中間轉場又要去睇一睇大嗰三隻! 仲爺見D女仔畫面佢又要畫, 結果畫咗隻兔仔, 可愛到不得之了! 玩到6點幾走人啦, 去大埔食丼, 雖然位迫D仲爺又眼瞓, 但又真係幾好食喎! 食完送埋溫家返去就回家啦, 仲爺又瞓咗, 尤得佢做臭豬冇沖涼就瞓!
2017年4月13日 星期四
13/4/17
13/4/17 THU COOL
今日兩個細已經放假, 我地返多日都放假, 所以真係好holiday mood, 朝早到7點半先起身, 趕咗老公出門口揍仲仲入青衣, 我就揍笨元返公司附近同阿媽交收, 買咗麥當勞比佢食呢! 今朝返去又唔洗開會咁, 所以都幾輕鬆, 午飯後就休息吓啦, 老細們下午返哂嚟, 又要開會咁, 都好GE時間好過d, 好快又放工, 4日假期開始! 放工返去揍咗笨元回家, 等老公接埋仲仲嚟接我地, 去荃灣食晚飯, 然後去球場, 老公帶埋笨元踢波, 因為同小圈子踢啫, 陪佢地到8點幾就要揍仲仲返屋企啦, 估唔到仲爺好乖喎, 全程拖住我, 又冇扭又冇嘈, 佢真係一時時! 返到去我又想追電視, 所以襯廣告時間快手同仲爺沖涼, 又等下一個廣告先刷牙入房, 佢都好合作! 睇完快手先去沖涼再睇...係咁睇, 老公12點幾先揍隻笨元返嚟, 話贏咗波去咗食雪糕喎, 返嚟沖涼瞓覺都點幾囉!
今日兩個細已經放假, 我地返多日都放假, 所以真係好holiday mood, 朝早到7點半先起身, 趕咗老公出門口揍仲仲入青衣, 我就揍笨元返公司附近同阿媽交收, 買咗麥當勞比佢食呢! 今朝返去又唔洗開會咁, 所以都幾輕鬆, 午飯後就休息吓啦, 老細們下午返哂嚟, 又要開會咁, 都好GE時間好過d, 好快又放工, 4日假期開始! 放工返去揍咗笨元回家, 等老公接埋仲仲嚟接我地, 去荃灣食晚飯, 然後去球場, 老公帶埋笨元踢波, 因為同小圈子踢啫, 陪佢地到8點幾就要揍仲仲返屋企啦, 估唔到仲爺好乖喎, 全程拖住我, 又冇扭又冇嘈, 佢真係一時時! 返到去我又想追電視, 所以襯廣告時間快手同仲爺沖涼, 又等下一個廣告先刷牙入房, 佢都好合作! 睇完快手先去沖涼再睇...係咁睇, 老公12點幾先揍隻笨元返嚟, 話贏咗波去咗食雪糕喎, 返嚟沖涼瞓覺都點幾囉!
2017年4月12日 星期三
12/4/17
12/4/17 WED
COOL
今朝又涼番好多喎,
呢D天氣真係玩死! 佢兩個返埋今日就放假, 揍咗笨元校車就返上去叫醒嗰兩個, 食咗D嘢先出門口, 仲仲要求daddy一齊揍佢返學校,
好可愛呢! 跟住我就返工啦, 今朝要開會但唔洗我寫會議記錄囉, 新人做嘛, 是但啦! 不過我都好忙, 老闆同大老闆娘又要返澳洲, 但又要用積分換飛等等, 又要信用卡等等, 總之夠我忙啦! 午飯後都係hea! 下午又忙吓又做吓嘢啦,
都好快又放工, 老公話要食聖安娜的熊仔cupcake, 咪買比佢食囉, 又要攞住cake又要去買餸真係夠哂狼狽,
等巴士等咗好耐, 返得去都已經7點, 老公返嚟幫手煎蛋, 8點多已經食完洗碗, 等佢地沖完涼再食埋cupcake, 比佢兩個玩吓9點幾就去瞓, 我就去沖涼, 外判哂仲爺D工作比子元搞掂!
老公食咗藥眼瞓, 10點多就瞓, 我仲要摺衫睇吓電視咁, 12點多才瞓!
2017年4月11日 星期二
11/4/17
11/4/17 TUE
HOT
今朝仲爺有一齊起身,
我又可以輕鬆點, 但竟然唔記得比子元食藥呢! 揍咗仲仲返學我地先去食早餐, 老公今日sick leave, 所以可以車我返工,
佢先去睇醫生啦! 咁返到公司都冇咩GE, 深哥過咗嚟簽票, 經理又帶個新下屬過嚟遊吓啦, 咁都係咁做嘢架啦! 午飯後同咗KIKI去AEON睇吓玩具, 佢要買嘢比FD, 下午回來都係hea吓做吓嘢啦, 放工老公嚟接我, 佢已經買咗今晚的餸, 因為煮大將湯, 去接埋子元同仲仲就回家, 老公煮嘢, 兩個細玩玩具畫畫, 我就執吓仲爺唔啱著唔啱用的送埋比人! 食完飯佢地沖埋涼, 叫子元同仲爺溫書…洗杯袋…講故事, 有D衰囉外判哂比佢做, 咁我要做其他嘢嘛! 睇電視到10點幾先沖涼, 摺衫…打機…睇電視…差不多1點先瞓!
2017年4月10日 星期一
10/4/17
10/4/17 MON
HOT
今日如常地返工返學啦,
朝早仲爺未起身, 我地就唔洗太趕, 但又要整飯盒等等都會趕囉! 返上樓仲爺都未起身, 兩個都唔願郁, 所以好遲先出到門口, 仲爺又未食早餐, 所以同佢食埋就已經8:50先返到學校呢! 返到公司又唔洗開會, 再做吓自己嘢先囉, 午飯後都係睇吓電視, 知道老細唔返又輕鬆D GE! 下什都係hea吓啦, 有得hea就hea啦! 放工老公話佢出咗去做嘢有得收早, 所以過咗嚟接我, 再去接埋笨元, 跟住去接埋嫲嫲同仲爺, 去咗荃灣食泰國嘢, 我其實唔係咁啱食, 但陸生又好想食, 咁都係去食架啦, 咪唔食咁激嗰D囉! 食完兩個細梗係去買玩具, 係嫲嫲先咁好, 我真係唔會買囉! 返得屋企都8點幾, 沖完涼仲爺要溫吓書, 再跟埋子元功課就沖涼, 之後做吓雜務摺埋衫, 12點多睇咗陣妙手都要瞓, 因為已經喺梳化瞓著咗!
2017年4月9日 星期日
9/4/17
9/4/17 SUN HOT
今日變番一般的星期日呢, 朝早hea到10點幾先梳洗出門口, 去長沙灣食早餐, 再揍子元去打鼓, 跟住老公就車我地返屋企, 比仲仲玩吓玩具, 我就預備換床單, 仲爺又要幫手喎, 都唔知佢幫到幾多, 換完一輪出咗身汗個人反而醒神咗, 連扭到條頸都好番, 我呢D仲唔係賤骨頭, 要做先精神! 換好哂整咗D嘢比仲仲食, 3點幾先趕到佢上床瞓, 點知不久老公回來, 仲話我點解唔聽電話, 但我真係冇為意個電話有冇響喎, 唔緊要啦, 最終只係想找我落去食嘢, 因為在香港地撞到程,張,溫三家, 所以一齊食個飯囉! 食完佢地就去睇戲, 我地就返屋企, 仲爺要瞓覺, 子元要溫書, 我要摺衫! 做好哂仲爺起身都7點, 收拾吓出去食晚飯, 仲仲要食火車壽司, 咁咪去咗荃灣食, 就行咗一陣囉, 再食埋糖水先肯回家, 已經11點多, 快手沖涼瞓覺, 但我今日就好精神喎, 可能今日醒吓瞓吓咁都9點幾先起身, 比平時已經瞓多好多呢!
今日變番一般的星期日呢, 朝早hea到10點幾先梳洗出門口, 去長沙灣食早餐, 再揍子元去打鼓, 跟住老公就車我地返屋企, 比仲仲玩吓玩具, 我就預備換床單, 仲爺又要幫手喎, 都唔知佢幫到幾多, 換完一輪出咗身汗個人反而醒神咗, 連扭到條頸都好番, 我呢D仲唔係賤骨頭, 要做先精神! 換好哂整咗D嘢比仲仲食, 3點幾先趕到佢上床瞓, 點知不久老公回來, 仲話我點解唔聽電話, 但我真係冇為意個電話有冇響喎, 唔緊要啦, 最終只係想找我落去食嘢, 因為在香港地撞到程,張,溫三家, 所以一齊食個飯囉! 食完佢地就去睇戲, 我地就返屋企, 仲爺要瞓覺, 子元要溫書, 我要摺衫! 做好哂仲爺起身都7點, 收拾吓出去食晚飯, 仲仲要食火車壽司, 咁咪去咗荃灣食, 就行咗一陣囉, 再食埋糖水先肯回家, 已經11點多, 快手沖涼瞓覺, 但我今日就好精神喎, 可能今日醒吓瞓吓咁都9點幾先起身, 比平時已經瞓多好多呢!
2017年4月8日 星期六
8/4/17
8/4/17 SAT HOT
今日係忙碌的一天, 仲要一個人走嚟走去真係夠哂攰! 朝早兩隻嘢6點幾起咗身, 子元幫我頂咗個早更, 我8點先起呀, 跟住就梳洗去畫班啦, 期間約咗程生去食早餐啦, 搵人hea吓嘛, 跟住上咗小童, hea到夠鐘先過去接笨元, 然後回家! 教仲爺做功課真係咩血壓都上頂, 諗起都火, 突然覺得子元係易教! 12點幾又要出門口, 揍子元去足球, 本來諗住同仲仲食埋午飯吽到夠鐘, 好在程生又話一齊食晏, 咁就叫做有人陪吓, 仲爺又可以同婷婷玩, 差不多2點佢地又要去畫室, 我就落球場等笨元到2點多才接佢, 行得過荔天啱啱好! 揍咗佢去我可以回家了, 請咗保姆幫我接呢! Barry3點幾過去幫咗我接, 我就可以喺屋企休息吓, 哄咗仲仲瞓覺做少少家務就抖吓, 4點幾Barry揍咗子元返嚟, 仲買咗壽司比佢食, 等笨元沖涼服侍埋佢食啦, 佢又捉住Barry玩棋玩Card Game, 真係替佢辛苦! 之後佢都未走, 其實我都攰, 子元就開咗美國隊長睇, 咪由得佢睇, 我都想休息吓, 有心無意咁依住咗Barry嚟瞓, 係有少少有心, 佢知我肩痛, 又幫我按頸按背, 若不是Janice打嚟, 可能會點呢, 都冇咩可以點啦! 同佢係有過嘢, 但大家都知只係一片霧, 喺對方身上只係得到一D久違了的戀愛感覺, 所以適當時少許曖昧就算了! 佢知我病咗又冇飯食, 就請我晏D落去食飯, 落到去, 佢又變番做佢好老公的角色呢, 我亦做回我的好媽媽, 有時我都諗, 以上GE感覺係咪淨係我自己諗多咗呢, 就好似好多年前咁, 原來大家都互有好感過, 只係各自都已經有段戀情, 唔諗住再去做錯事! 食完飯, 兩隻細GE搗亂完就返屋企啦, 沖好涼趕佢地去瞓! 老公原來係今晚飯, 佢講錯咗我知明天才返呢, 咁我就等佢門等到12點幾, 終於見到佢返咗, 感覺實在好多!
今日係忙碌的一天, 仲要一個人走嚟走去真係夠哂攰! 朝早兩隻嘢6點幾起咗身, 子元幫我頂咗個早更, 我8點先起呀, 跟住就梳洗去畫班啦, 期間約咗程生去食早餐啦, 搵人hea吓嘛, 跟住上咗小童, hea到夠鐘先過去接笨元, 然後回家! 教仲爺做功課真係咩血壓都上頂, 諗起都火, 突然覺得子元係易教! 12點幾又要出門口, 揍子元去足球, 本來諗住同仲仲食埋午飯吽到夠鐘, 好在程生又話一齊食晏, 咁就叫做有人陪吓, 仲爺又可以同婷婷玩, 差不多2點佢地又要去畫室, 我就落球場等笨元到2點多才接佢, 行得過荔天啱啱好! 揍咗佢去我可以回家了, 請咗保姆幫我接呢! Barry3點幾過去幫咗我接, 我就可以喺屋企休息吓, 哄咗仲仲瞓覺做少少家務就抖吓, 4點幾Barry揍咗子元返嚟, 仲買咗壽司比佢食, 等笨元沖涼服侍埋佢食啦, 佢又捉住Barry玩棋玩Card Game, 真係替佢辛苦! 之後佢都未走, 其實我都攰, 子元就開咗美國隊長睇, 咪由得佢睇, 我都想休息吓, 有心無意咁依住咗Barry嚟瞓, 係有少少有心, 佢知我肩痛, 又幫我按頸按背, 若不是Janice打嚟, 可能會點呢, 都冇咩可以點啦! 同佢係有過嘢, 但大家都知只係一片霧, 喺對方身上只係得到一D久違了的戀愛感覺, 所以適當時少許曖昧就算了! 佢知我病咗又冇飯食, 就請我晏D落去食飯, 落到去, 佢又變番做佢好老公的角色呢, 我亦做回我的好媽媽, 有時我都諗, 以上GE感覺係咪淨係我自己諗多咗呢, 就好似好多年前咁, 原來大家都互有好感過, 只係各自都已經有段戀情, 唔諗住再去做錯事! 食完飯, 兩隻細GE搗亂完就返屋企啦, 沖好涼趕佢地去瞓! 老公原來係今晚飯, 佢講錯咗我知明天才返呢, 咁我就等佢門等到12點幾, 終於見到佢返咗, 感覺實在好多!
訂閱：
文章 (Atom)