13/4/17

13/4/17   THU   COOL


今日兩個細已經放假, 我地返多日都放假, 所以真係好holiday mood, 朝早到7點半先起身, 趕咗老公出門口揍仲仲入青衣, 我就揍笨元返公司附近同阿媽交收, 買咗麥當勞比佢食呢! 今朝返去又唔洗開會咁, 所以都幾輕鬆, 午飯後就休息吓啦, 老細們下午返哂嚟, 又要開會咁, 都好GE時間好過d, 好快又放工, 4日假期開始! 放工返去揍咗笨元回家, 等老公接埋仲仲嚟接我地, 去荃灣食晚飯, 然後去球場, 老公帶埋笨元踢波, 因為同小圈子踢啫, 陪佢地到8點幾就要揍仲仲返屋企啦, 估唔到仲爺好乖喎, 全程拖住我, 又冇扭又冇嘈, 佢真係一時時! 返到去我又想追電視, 所以襯廣告時間快手同仲爺沖涼, 又等下一個廣告先刷牙入房, 佢都好合作! 睇完快手先去沖涼再睇...係咁睇, 老公12點幾先揍隻笨元返嚟, 話贏咗波去咗食雪糕喎, 返嚟沖涼瞓覺都點幾囉!