28/4/17

28/4/17   FRI   WARM

今朝仲爺一出房就用咗個好搞笑GE造型, 太陽眼鏡+籃球, 真係比佢笑死! 然後都係返工返學啦, 今日都過得比較hea, 朝早都係做吓自己嘢, 又唔洗開會, 好自在啦! 午飯去咗AOEN嗰邊, 因為想買定露營的食物, 所以先喺八坊雲集食個晏先, 再開始買嘢, 但原來都好多嘢唔適合喺到買, 結果都係買唔齊, 放工返去屋企樓下超市先再買啦! 2點返到公司又繼續hea, 食埋個tea就放工, 返去買埋嘢就上樓攞番子元遊水嘢出去接佢, 仲要攞埋露營的物資, 都幾大袋吓, 搬咗落去油站等老公嚟接, 揍咗子元去泳池, 攞番D書包返屋企先, 老公話肚餓, 去咗食嘢先, 等子元游完再嚟join, 我同仲爺食完就返屋企先, 仲有大把嘢執, 老公送番子元回家就去踢波, 咁先叫佢兩個沖好涼, 執好仲爺D嘢就趕佢去瞓, 我就再係咁執係咁執, 喺間屋到行嚟行去, 都唔明點解D嘢執極都唔完, 搞到10點多先沖涼, 好在子元而家比個list佢就可以自己執嘢, 再執多個我真係會暈! 最後摺埋衫11點幾可以真正休息啦, 老公差不多12點幾先返到嚟, 佢今晚又有波睇喎, 所以我都要瞓先啦!