25/4/17

25/4/17   TUE   COOL

今朝仲爺見我起身又起啦, 好在今朝只係蒸飯, 唔會太趕! 揍埋仲爺返學就返工啦, 今朝都比較hea, 朝早都係做吓私務咁, 午飯後都係睇吓電視打吓機, 老細返咗嚟之後就冇安寧啦, 又要開會又要傾出年Annual Dinner D嘢喎, 但真係廢話居多又老土囉, 其實佢個人都真係貪心得嚟又唔用腦, 對住佢真係好無奈! 之後又要同佢搞機票D嘢, 無端端又話轉回程, 好在新同事呢方面都夾到我, 係佢提出話改唔到就算, 做得好! 放工返去接笨元, 今晚去小童聽briefing, 星期六有得去露營嘛, 好緊張呢! 約咗程家7點幾過到去, 得我地兩家補聽呢, 原來唔係淨係帶你去咁簡單, 人地有程序有節目, 又會去睇日落啦, 又要煮個有故事的餸, 最慘係要才藝表演, 我地真係冇咩才藝架嘛! 咁交埋錢就走得, 可以去食飯, 方便就去咗AEON食COCO, 之後仲可以行吓先返屋企, 返到去全部都要快手沖涼瞓覺, 老公都冇等我就瞓啦, 咁我咪悠悠閒咁摺埋衫睇吓電視先瞓囉!