3/4/17

3/4/17   MON   COOL


雖然今日係請咗假, 但照樣係要揍仔返學, 所以都係6點幾就要起身GE! 揍咗仲仲我地才去太興嘆早餐, 然後老公車我去瑪嘉烈幫子元排睇ADHD, 其實都係填吓表交吓資料咁, 但聽到話要18年8月才有得見醫生, 真係嚇一跳囉, 一早知有機會食藥我就排定先啦, 不過而家都冇得講, 都係要照排住先架啦! 搞掂哂都11點多, 先返屋企做吓公務, 又交錢又book位咁, book 咗唱K同按腳, 好似好耐冇試過放假喺放自己想做D咩而放咁, book咗12點喺宇宙嗰邊唱, 呢D時間同日子, 係好多老人家嚟唱, 估唔到K會變咗一個咁GE場同局面囉, 發展呢家嘢真係冇人會知! 由12點唱到3點幾, 夠皮啦, 仲食埋午餐添, 為番起都係80蚊一個人! 跟住就去按啦, book 咗4點按到5點幾, 我點按都係覺得痛, 係咪唔多適合按呢! 跟住去揍咗子元入嫲嫲到, 我地就出去食buffet啦, 有免費卷去嘛, 否則我係唔會食自助餐, 太貴啦! 去到我先入座, 老公去咗泊車! 你話多嘢食又唔算, 總之D嘢只係不過不失囉, 如果要我比錢嚟食就冇咩可能啦! 食到9點左右散場, 馬上回家揍仔啦, 返得去沖涼瞓覺都10點幾囉! 今日好似hea得滯咁, 重點係我愈來愈喉嚨痛, 唯有食吓藥先睇下點啦!