2/4/17

2/4/17   SUN   COOL


今朝難得咩都唔洗學, 我點都hea到9點幾先郁身, 雖然醒就一早醒咗幾轉, 但都唔咁早起囉! 跟住等埋老公肯起身出去食早餐都已經11點幾, 好在仲趕到個早餐時間啫! 食完就送子元去打鼓, 我就同仲爺返屋企做功課, 然後玩到2點左右就捉佢去瞓, 我就摺埋D衫佢啦, 都好充實! 老公等子元踢埋波先返嚟, 係時候溫一溫書先, 本來諗住等仲爺瞓醒子元又溫哂書就去吓街, 點知嫲嫲佢地打嚟話想出去食大排當, 咁都要出去食啦, 冇得行街啦! 因為6點多入到去, 等呀等包姐都仲未得, 佢真係令人好討厭囉, 講咗6點多會到, 我地已經打咗電話來, 但都要等差不多半個鐘, 你咩新鮮蘿蔔皮呀, 成日要人等冇D時間觀念, 老土D咁講佢GE壞習慣堅係集所有人稱港女缺點上身架! 咁出得去都勁多人啦, 又要等位, 差不多7點半先有得食, 可能我keep住都黑黑地面架啦, 食完佢又去街啦, 老公都冇理佢話邊到比佢落車架啦, 我地行3號唔會經美孚, 咁咪叫佢喺番深水涉撘就算囉! 送咗嫲嫲回家, 近近地去咗荃灣行一行荃新天地就回家啦, 明天佢地就返學, 我地兩個就請咗假, 想放吓連假嘛!